883/2023-2024

Aizawl, the 22nd June 2023: Vawiin chawhma khan Mizoram Youth Commission Youth Centre-ah United Kingdom a Registered Nurse hna thawhna tur a kawng in kawhhmuhna hun Pi Maruat Mynett, RN Queen Elizabeth Hispital London-a thawklai mek ho in hun hman a ni.

He hunah hian Dr Vanlaltanpuia Chairman MYC chuan hun hmanpuiin, MYC leh CHARCOS GLOBAL thawhhona hnuaiah MOCH atanga Mizo Nula vawiin ni thleng mi 10 in UK-a Nurse hnathawk tura OET an pass tawh thu sawiin hun reilo teah UK-ah Register Nurse hlawh tha tak hmu in an thawh mai tur thu a sawi a. Mizo thalai te tan, Healthcare Services sector-ah thawh theih a tam thu a sawi bawk.

Pi Maruati chuan UK a Damdawiin hrang hrangah Nurse te tan hna ruak a tam thu sawiin tih takmeuh a theihtawp chhuah turin Mizo Thalaite a a sawm a, harsatna nei te tan tanpui a inhuam reng thu te a hrilh a ni. Pi Maruati chuan UK a Nurse hna hi Hna nghet, Permanent Job anih avangin Pension te pawh pek vek anih thu a sawi a, Mizo thalaite Uk lama Nurse hnathawh tumte chuan amah an biak chuan tlachhe lova, kaldan tur kawng engkim a tir atanga UK an thlen thlak thleng a a buaipui theih thu leh a inhuam thu a sawi a. UK a Nurse hnathawkte tana hamthatna tam takte a hrilh bawk a ni.Kalkhawmte nen hian zawhna leh chhanna hun tha tak hman ho nghal a ni a. Kalkhawm thalaiten an hriat duh ang leh tul tur an hriat atana pawimawhte zawtin an inhrilh tawn bawk a ni.