4807/2024-2025

25th March, 2025 : Vawiin chawhma Dar 11 khan Mizoram Youth Commission Conference Room-ah MYC kaltlang a Spa therapy training tur mi 8 (pariat) thlah liamna hun hman a, he hun hi Pi V. Lalmuanpuii, Secretary in a kaihruai a ni. Heng thlanchhuah mi 8 (pariat) te hian naktuk ni March 26, 2025 (Nilaini) hian Aizawl chhuahsanin The Lalit Hotel hmunpui Dabolim, Goa an pan dawn a, he hmunah hian thla 3 (thum) an training dawn a ni.

He hunah hian MYC leh Spa Therapy training turte chuan inremsiamna leh intiamkamna ziahna hun an hmang nghal bawk a. MYC leh Trainees te tih tur leh intiamkamna point hrang hrangte uluk taka chhiar a, sawiho anih hnuah intiamkamna hi ziah a ni. He training programme kalpui theih nan hian Mizoram Youth Commission leh Bharat Hotels Limited, New Delhi te chuan thawhhona thuthlung (MOU) an ziak a. MYC aiawhin Pu Malsawmzuala Ralte, Chairman MYC in a sign a. September 24, 2024 khan Mizo nula 7 (pasarih) te chu training turin MYC hian a lo thawnchhuak tawh a ni.

Training a kal turte hi MYC Officer te chuan taima tur te, huaisen turte leh thawkrim a, duhsak tlak a nungchang mawi nei turte, hnamdangte aia Mizo hnam kan hniam bik lohzia tilang a, Mizo hnam timawitu ni turin in an chah a ni. Trainees te pawhin an kalna hmun tur chungchang an hriat duh ang angte zawtin inkawm hona hun hlawkthlak takin an hmang a ni.