279/2023-2024

Aizawl, the 2nd May 2023: Vawiin khan Raj Bhavan-ah Vice Chancellor, Mizoram University hna rawn zawm thar, Prof. Dibakar Chandra Deka, chuan Governor Dr Hari Babu Kambhampati a kawm.

Governor Dr Hari Babu Kambhampati chuan MZU Vice Chancellor chu Mizoramah lo lawmin a mawhphurhna pawimawh tak chu tha taka hlen thei turin duhsakna a hlan a ni.

Governor hnenah hian Prof. Dibakar Chandra Deka chuan a mimal chanchin, zirna lam leh zirtirna huanga a tawn leh hriat te a hriattir hmasa a. Mizoram University, India ram University zinga la naupang fal tak leh thang duang takah hotulu ber mawhphurhna a chang tur chu phurawm tih a sawi bawk a ni.

Prof Deka chuan tun dinhmuna MZU hlawhtlinna chu tuna thawk mek te leh hotu hmasa te thawhrimna leh inpekna a ni a ti a. MZU in hma a sawn leh zual na tura thil pawimawh leh hmalakna kalpui hmasak tura a pawimawh deuh nia a hriat te Governor chu a sawi pui bawk a ni.