Vawiin hian National Disaster Management Authority leh Serchhip District District Disaster Management Authority tangkawp te buatsaih in  N.Vanlaiphai  khuaah  khuarel chhiatrupna lo thleng thei laka chet lak dan tur  enchhinna (Mock Drill) neih a ni.

Mock Drill atan hian nimin lamah Tourist Lodge Conference Hall-ah “Table Top/Mock Exercise on  Earthquake  Disaster”  Pi Dorothy Muansangi, SDO (C) N. Vanlaiphai kaihhruaiin neih hmasak a ni a. He hunah hian  Pi Vanlalduhi, Serchhip District Organiser, DM&R leh Pu Ngurthansanga SDC, Nodal Officer Disaster Serchhip  te, N.Vanlaiphai a sawrkar office hrang hrang a thawktute, khawtlang hruaitute leh tlawmngai pawl hrang hrang ten  chhiatrupna thlen  palha chetlak dan tur ruahmanna te an zirho a.

Vawiin  Chawma Dar 11:00 am khan Lirnghing na tak   Ritcher Scale 7 in N.Vanlaiphai  khua a sawi anga lantirin lirnghing hian  Concrete Building 3  leh KVK Office  te chu  sawichim a, hmun tam takah leimin (landslide)  leh road block te thleng anga lem changin chhanchhuahna hna thawh dan a takin an enchhin (mock drill) ho a ni

Vawiin a Mock Drill hi khawtlang mipuite leh mawhphurhna hrang hrang neituten tha taka an thawh hlawm avangin a hlawhtling hle nia hriat a ni.