Vawiin chawhma dar 10 :30 khan District Playground, Saiha-ah Nehru Yuva Kendra, Saiha te bultumin nili chhung awh tur Saiha District chhunga School naupang kum 16 hnuailam tan "Inter School Sports" chu neih tan a ni.

He Inter School Sports hawnna inkhawm hi Pu L.C. Chasai chuan a kaihruaia School hrang hrang atanga zirlai kalkhawm ten March Pass an neih hnu-ah Rev CH. Chhama, Sr. Executive Secretary, ECM Hqrs, Saiha chuan hunserh a hmanga, he Sports neihna-a khuallian Pu V.Zacho, Education Officer, MADC, Saiha chuan thu sawiin Saiha District-a Inter School Sports buatsaih ani chu lawmawm a tih thu leh Central sawrkar pawhin he sports hi a ngaih pawimawh zia thu a sawi bawk. Zirlaite tan rilru leh taksa sawizawi a pawimawh zia a sawi bakah mahni inrintawkna nena infiamna nei tur leh ruihtheih thil laka zirlaite inthiarfihlim theuh turin a chah bawk ani. He Inter School Sports ah hian Saiha District chhung School hrang hrang 18 atangin zirlai naupangten item hrang hrang-ah inelna an nei dawn ani. 

Attachment

  • Loading attachment...