Ni 22nd June 2012 dar 10:30 a.m hian Govt. Hrangbana College chuan’A’Grade Award leh Best Practices Award Lawmna leh Fresher Social, Golden Hall – ah an nei dawn a. Speaker Pu R.Romawia chu Khuallian a ni ang a; Khual zahawm ah Pu Lalrinliana Sailo, Health Minister , Alumni member leh Pu Zodintluanga, Taxation Minister, Alumni Member bawk chu an hmang dawn a. Heta tel tur hian Alumni Member zawng zawngte, Parents te, he College lo enkawl thintu Governing Board member leh Well wishers zawng zawngte tel vek turin an sawm a ni.

Hrangbana College hi kum 1980 kuma din tan a ni a. Dr. Keneth Chawngliana leh Pu R.Zatlaia te Principals ni tawhin Kum 2006 khan B++ Grade an hmu a. Kum 2008 atang khan Pu K.Liantuala Principal ni tanin, kum 2011, September thlaah NAAC Peer Team ten rawn en dik nawn lehin March 11, 2012 khan “A” Grade Award hi hlan an ni ta a ni.