Vawiin khan NABARD Mizoram Regional Office, Aizawl chuan nikhat awh 'Workshop on Joint Liability Group (JLG)' chu an Pisa Conference Hall-ah an buatsaih a. He Workshop hi Dr. P.M. Ghole General Manager NABARD in kaihruaiin, Pu F.R. Marak Deputy General Manager NABARD chuan power point presentation hmangin JLG awmzia, a din dan te, a thil tumte leh a hlawhtlinna turah Bank hote chanvo leh mawhphurna a tarlanga a.
Dr. Ghole chuan JLG chu thingtlang loneitu leh kut hnathawktu harsa zual bik, ram pawh mahni hminga nei lo leh Bank a sum puk nan dahkham tur nei ve lo ten eizawnna ngialnghet an neih theih nan awlsam zawk a, Bank kaltlanga, sum an puk thei tura duan a nih thu a sawi. He Workshop ah hian Dr. Ghole chuan Self Help Group(SHG) leh Joint Liability Groups (JLG) te danglamna chu tarlangin, a hrilfiah nghal bawk a ni.
Joint Liability Group (JLG) hi NABARD in 2004-2005 khan State hrang hrang pariatah bul tanin, tunah chuan ram puma kalpui dan tur ruahhmanna siam a ni tawh a. JLG hi mi pali atanga mi sawm thleng, eizawnna kawng inang tlang ten an din thei a. Bank atanga JLG memberten sum an puk chu, dahkham ngai lo chi (Collateral-free loan) niin JLG member ten a huhovin a mawh an phur tur a ni thung. JLG ten Bank kaltlanga sum an puk theih chu tun hnai khan RBI chuan cheng sing nga atangin cheng nuai khat ah a ti sang a ni.
He Workshop ah hian Aizawl khawpui chhunga Commercial leh Cooperative Banks hrang hrangte - State Bank of India, Mizoram Rural Bank, Mizoram Co-operative Bank te bakah Axis Bank, HDFC Bank, IDBI Bank, Syndicate Bank te leh NGOs - AMFU, COD-NERC leh Zoram Entu Pawl aiawhte te an tel a ni.
Joint Liability Group (JLG) hi NABARD in 2004-2005 khan State hrang hrang pariatah bul tanin, tunah chuan ram puma kalpui dan tur ruahhmanna siam a ni tawh a. JLG hi mi pali atanga mi sawm thleng, eizawnna kawng inang tlang ten an din thei a. Bank atanga JLG memberten sum an puk chu, dahkham ngai lo chi (Collateral-free loan) niin JLG member ten a huhovin a mawh an phur tur a ni thung. JLG ten Bank kaltlanga sum an puk theih chu tun hnai khan RBI chuan cheng sing nga atangin cheng nuai khat ah a ti sang a ni.
He Workshop ah hian Aizawl khawpui chhunga Commercial leh Cooperative Banks hrang hrangte - State Bank of India, Mizoram Rural Bank, Mizoram Co-operative Bank te bakah Axis Bank, HDFC Bank, IDBI Bank, Syndicate Bank te leh NGOs - AMFU, COD-NERC leh Zoram Entu Pawl aiawhte te an tel a ni.
