Aizawl Municipal Council (AMC) hnuaia Naming of Streets and Numbering Committee chu an Chiarman Pi Hmingthanzami, Executive Councillor hovin AMC Office-ah vawiin ni 31.7.2013 khan an thukhawm a. Hetah hian Aizawl khawpui Municipal Council huam chhunga kawngpui pawimawh zual 30 vel hming phuah a ni a. Heng hming phuahte hi Board of Councillors pawmpui tura chhawp chhuah ni se tih a ni a, Board of Counicillors-in a pawmpui hnu ah kawng hmingte hi Official-a hman zui tur a ni ang.

Hemi bakah hian he Committee hian Local Council hrang hrangte an huam chhunga kawng leh hmun pawimawh hming phuah fel turin a hriattir tawh a, heng thil hi chinfel a nih hun chuan Aizawl khawpuiah In Number mumal taka pek theih a ni ang.

He Committee-ah hian AMC Councillor thenkhat te, MUP, MJA leh a kaihhnawih Department aiawhte an tel a ni.