India ram puma faina leh thianghlimna ‘Nation-Wide Sanitation & Cleanliness Campaign’ Programme ni 25.9.2015 atanga hman chu Ni.30.10.2015 hian Aizawl District Swachh Bharat Mission (Gramin) buatsaihin a kharna inkhawm, Chaltlang Y.M.A Hall Aizawl ah hman a ni.
He Programme hi Er. C. Lallunghnema, Executive Vice Chairman leh Superintending Engineer, PHE ni bawk in a kaihruai a. Er. Lalmuanzova. Chief Engineer, PHE Zone-I chu khuallian a ni. Resource Person Dr. Sangthuama Ngente, Chief Medical Officer, Aizawl ‘W in “Health concerns for youths” tih a sawi a, Er. Lalsanga, Executive Engineer, PHE in Power Point Presentation hmangin ‘Sanitation’ chung chang zirtirna a nei a, Pu Malsawma, Hindi Propagation Officer (HPO) in lawmthu a sawi a ni.
He Closing Function ah hian Swachh Bharat Mission (Gramin) Member te, PHE Officer’s leh Staff te, School Naupang sawm bik te bakah Chaltlang area Local Council Member leh NGO hrang hrang hruaitute bakah Media lam te an kal tha hle.
Nation-Wide Sanitation & Cleanliness Campaign hi sawrkar laipui Ministry of Drinking Water & Sanitation in India ram pum a faina leh thianghlimna lama hma lakna atana Campaign Ni 25.9.2015 - 31.10.2015 chhung atana abuatsaih a ni. Hemi denchhen hian Mizorama District leh khaw hrang hrangah pawh theih ang ang a hman a ni. Aizawl District bikah chuan Swachh Bharat Mission (Gramin) leh Urban Development & Poverty Allevation Department buatsaihin ni 2.10.2015 khan hawnna ropui taka neih alo ni tawh a. Hei bakah a kar lakah khaw hrang hrang leh zirna In School hrang hrangah Faina hnatlang leh Campaign te neih a ni a. Local TV ah Sanitation lam zirtirna Film tawi chhuah anih bakah Poster hrang hrang Passenger Motor ah te tar a ni bawk.
Sanitation & Cleanliness Campaign Programme hi uar leh zuala la kalpui zel tura ruahman a ni a. Aizawl District pumpui hi Swachh Bharat Mission Programme hawn ni (2.10.2014) atanga kum 5 (ni 2.10.2019) chhungin District fai leh Open Defecation Free (Inthiarna mumal neilo awm tawhlohna) nih tir ngei hi Swachh Bharat Mission (Gramin) Aizawl District thil tum ber a ni.
