Ni 2 awh Joint Forest Management Committee (JFMCs) memberte leh Enviroment & Forest Department a field Staff-te tana buatsaih Two Day State Level Inter-Departmental Workshop on “Convergence of NAP and other Schemes for the JFMC and field level staff” in the state of Mizoram chu Pu Rosiama Vanchhong, Addl. Principal Chief Conservator of Forests-in chuan 28.02.2012 (Tue) chawhma dar 10:00 khan PCCF Conference Hall, Tuikhuahtlang, Aizawl-ah a hawng. Hawnna thusawiin Pu Rosiama Vanchhong chuan “Sorkar laipui National Afforestation Programme(NAP) a siam te nen tangrualin , mipuite tana hnemhnan thlak zawka hnathawh dan tur inzirtirna hun kan hmang thei hi a vanneih thlakin, sorkar laipui, a bik takin hmarchhak bialtu Regional Centre NAEB, MoEF, Govt. of India, NEHU, Shillong-te chungah kan lawm hle a ni, “ a ti a. Workshop a telte chu uluk taka zir a, hmasawnna hnathawh nana chhawr tangkai ngei turin fuih a ni.

Inlawmna leh he workshop chungchanga thuhmahruai sawitu Pu Liandawla, CCF (P&D) & Nodal Officer (NAP) chuan, “National Afforestation Programme (NAP) hi tun hma lama sorkar laipuiin ramngaw humhalh nana hma a lak thinna hrang hrangte khaikhawm a, hming khat pua ramngaw, environment, nungcha leh biodiversity humhalh nana flagship programme a siam a ni. Government of India hriattirna kum 1990 ami angin Mizoram sorkar chuan NAP hnuaia Joint Forest Management (JFM) kalphung hmang ve tura hriattirna kum 1998 khan a tichhuak a. Tichuan, Ministry of Environment & Forests (MoEF)-in hriattirna kum 2002-a a siam angin Mizoram sorkar chuan territorial forest divisions leh wildlife divisions hrang hranga Forest Development Agencies (FDAs) din theuh turin hriattirna kum 2002 khan a tichhuak leh bawk a. Tunah hian Mizoramah sorkar laipui pawmpuiin Normal Forest Development Agencies (FDAs) 21 leh Rehabilitation of degraded Jhumlands hnuaiah FDAs 7 a awm tawh a, heng FDA hrang hrangte hnuaiah hian ramngaw humhalh kawnga mipuiten a tam thei ang ber tha an thawh theih nan Joint Forest Management Committee (JFMCs) 598 Mizoram khaw hrang hrangah din a ni tawh a ni,” tiin “ram mipuite hmasawn nana scheme hrang hrang sorkar laipuiin a siam tihlawhtling tura thawktu sorkar department hrang hrangten an hnathawh insu buai lova inpuitawn chunga hna thawh tlan theih dan kawng zawn hi he Workshop buatsaih chhan a ni,” a ti bawk.

He Workshop-in a tum ber chu thingtlang khaw hrang hranga ramngaw siam belh leh a humhalh kawnga hmalatu tura din Joint Forest Management Committee leh he committee hnuaia member-ten ramngawin hma a sawn theih nan leh an nunkhua alo nawm a, hma an sawn chhoh zel theih nana sorkar laipui ruahmanna National Afforestation Programme (NAP) thil tum chiang taka hriat a, thil ngaihpawlh lo leh fumfe taka hna thawk thei tura hrilh hriat a ni. Tin, hmasawnna kawng hrang hrang atana thawktu officer-te daihriat inhrilh tawnna leh chak zawka hnathawh dan tur relhona leh sawihona hum hman a ni bawk. He Workshop-ah hian Mizoram University (MZU)-a mi thiamte bakah Regional Centre, National Afforestation & Eco-development Board, Shillong leh Inter-Departmental Workshop anih angin department hnathawh tum thuhmun heng Rural Development Department te, Horticulture Department te, Soil & Water Conservation Department te, Agriculture Department te leh Environment & Forests Department-a mi thiamten zirtirna hun an hmang a, FDA hrang hrang atangin member thlan bik mi 30 an tel a ni.

Chawhma lama technical session-I ah he workshop buatsaih nana sum leh pai tumtu Regional Centre, NAEB, MoEF, Government of India, NEHU, Shillong-a Research Officer, Dr. Dhruba Sharma’n ‘Progress and Achievements of NAP and its Success in N.E. Region’ a sawi a. Pu Lalnunsanga Khawlhring, WPO ‘N’-in ‘Convergence of NAP with other Development Schemes’ a sawi bawk a. Chawhnu lam technical session-II ah Dr. F. Lalnunmawia, Department of Forestry, MZU-in ‘Effective Implementation of NAP: A case Study based on Monitoring & Evaluation” te Pu V.L. Para, DFO, Resources Division-in ‘Implementation and Progress of NLUP under Enviroment & Forest Department’. te Pu Lalthangliana Murray, CF (CC) & NO (Bamboo)-in ‘Convergence of NAP with Activities under NBM’ te leh Dr. Lalnilawma, Head, Department of Extension, Education & Rural Development, MZU-in ‘Convergence of Development Schemes: An Overview of Initiatives and Good Practices in India’ tih te an zirtir a ni.