Vawiin ni 22 November 2014 khan Kolasib D.C. Conference Hall ah NABARD tangkai zawka hmang theih tur a workshop neih a ni. He hun ah hian Kolasib D.C. Jitender Yadav IAS chu khuallian a ni a, khuallian chuan thu sawi in, NABARD chu mipui leh co-operative society hrang hrang tana tangkai tak, agriculture thiamna sang zawk hmanga thlai chin dan te leh pawisa an mamawh dan ang a bank nen a thawh ho puitu a ni a ti.

NABARD chu mipui ten thlai leh thil hrang hrang an tharte, a hralhna tur leh a kalhmang mipuite kawhhmuhtu a ni a ti bawk. D.C. chuan he program hmang a lo kal zawng zawng te chu inhmelhriat tirna nei in; he workshop neih hi vawiin atan chauh a nilo tih sawi in, engtiklai pawhin NABARD leh Bank lam te chu mipui ten rawn hreh lo turin a chah bawk.

He workshop ah hian Assistant Project Manager NABARD Pu. Rabishankar Likmabam-a chuan power presentation pe in, Kolasib District a fankualna hrang hrang a co-operative society te chuan hna an thawh that thawkhat viau lai in hmasawn na tur an la ngah hle a ni a ti.

Co-operative society te hnenah Pu. Rabishankar Likmabam-a chuan, FUTURE MARKET leh FORWARD MARKET COMMISSION sawifiahna a nei a, FORWARD MARKET COMMISSION chu ei leh bar indawrna chungchang te ti fiahtu leh society hrang hrang te sum hman dan enfiah thin tu a ni thu a sawi.

Member lo kal te chuan an harsatnate sawiin, an harsatna ber chu Phai lam atanga Mizoram in thil kan la lut hnem lutuk te, ar note Phai lam atang a to tak tak a kan la a kan vulh lian mai te, kan ram ngei a kan ar te kan tih pun ve te an duh thu an sawi , Tun ah hian Kolasib a co-operative society te chuan an hmalak na tlangpui te chu; BEAN, ANTAM, BUH chin, VAWK, AR vulh leh SANGHA khawi te a ni.