Science Teachers’ Association of Mizoram (STAM)  chuan vawiin (Zirtawpni) khan 24th National Children Science Congress, Baramati, Maharashtra-a kalte hmuahna leh anmahni lawmna inkhawm chu STAM Office, Khatla, Aizawl-ah  neih a ni a, Dr. RK Lallianthanga Chief Scientific Officer, Department Of Science & Technology, Govt. of  Mizoram-in a hmanpui.

Dr. R.K.Lallianthanga chuan 24th National Children Science Congress-a zirlai 8 an kal thei chu lawmawm a tih thu leh National Children Science Congress hi kum tin neih thin a nih avangin Mizoram hian kan ngaih pawimawh telh telh a tul thu leh   hlawhtlinna leh hmasawnna tak tak nei turin  kan thil siamte a theory mai ni lo, a taka hmuh theih tura chhawpchhuah tel zel pawh  tul a tih thu a sawi.  Infiamnaah pawh kan state-in hma nasa takin  a sawn a, hemi atan hian sorkar pawhin hmalakna hrang hrang a ngah hle a, chutiang bawk chuan sorkar te, zirtirtu leh zirlaite pawhin Science tihhmasawnna tura nasa zawka ke kan pen a tul thu a sawi  a. Dr. RK Lallianthanga hian Child Scientist te hnenah Certificate leh Medal a hlan a ni.

24th National Children’s Science Congress hi Dec 27-31, 2016 chhung khan Vidya Pratishthan Institute of Information technology, Baramati, Maharastra-ah neih a ni a, Mizoram atangin Child Scientist 8 leh Escort Teacher 3 an zu kal a ni.

Science Congress thupui hi “Science, Technology & Innovation for Sustainable Development” tih a ni. India ram State hrang hrang leh India ram pawn atanga lo kal Child Scientist ten an Project siam theuh hmangin intihsiakna an nei a, he NCSC-ah hian Project 700 chuang a  lut a ni.

Mizoram atanga Child Scientist telte :

  1. Vanlalawmpuia                    : Govt. Chaltlang H/S
  2. Lalremsiama                        : St. Pauls’ HSS
  3. Vanlalnelawma                    : St. Pauls’ HSS
  4. Babie Lalnunmawii              : New Diamond School, Mamit
  5. Vanlalchhanhimi                 : Baptist HSS, Serkawn
  6. Lalhunthari                          : Bethel Mission School, Champhai
  7. Vanlalsangzuala                  : Rosebud School, Ramhlun, Aizawl
  8. Priscilla Lalrinhlui                : Mary Mount School, Tlangnuam, Aizawl

 Escort Teacher te :

  1. Miss Jennifer Lalrinpari      : Teacher, St. Pauls’ HSS
  2. Nelson Khiangte                   : Teacher, Bethel Mission School
  3. Miss K. Lalhmangaihsangi  : Teacher, Govt. JL H/S

STAM chuan National Children Science Congress-a State Organising Committee Chairman, Pu K. Lalthawmmawia, IAS, Director, School Education-in hma a lakpuinaah leh kawng engkima tawiawmtu SCERT chungah lawmthu an sawi a ni.