National Communal Harmony Award 2011 dawng turin Pu Khamliana, Mizoram leh Odisha Md. Abdul Bari, Odisha mite chu thlan an ni a. Award dawngtute hi Vice President Pu Hamid Ansari kaihruaina hnuaia Jury chuan a thlang a ni.
Kum 56 mi, Pu Khamliana hian kum 1990 Mizoram Youth Club dinin Mizorama remna leh muanna, hnam inpumkhatna leh sakhaw hrang hrang inkarah inuanau boruak tha siamna kawngah nasa takin hma a lo la thin a. Hemi atan hian musical concert te, thu inziahsiak te leh cultural exchange programme te chu Mizoram Youth Club hian a kaihhruaina hnuaia an buatsaih thin a ni.
Kum 72 mi Md. Abdul Bari pawh hian Odisha a hnam inpumkhatna atan nasa takin hma la in, hnam hrang hrangte inkarah boruak tha a awm theih nan sulhnu engemaw zat a lo nei nghe nghe tawh bawk a ni.
National Communal Harmony Awards hi kum 1996 khan Ministry of Home Affairs hnuaia National Foundation for Communal Harmony chuan dinin, an huaihawt thin a. Mimal he Award dawngtute hi thuziak leh pawisa fai cheng nuai 2,00,000 hlan an ni thin a ni.
