Vawiin khan Agriculture Committee Room-ah Election Commission of India in Electoral Roll dik leh felfai neih anih theihna tura beihpuihthlakna atana ruahmanna a siam "National Electoral Rolls Purification-2016" chungchang zirhona hun buatsaih a ni a, Chief Electoral Officer, Joint Chief Electoral Officer, District Election Officer te leh District Level Master Trainer te an tel a ni.
Training hawngtu Pi Manisha Saxena, IAS, Chief Electoral Officer chuan Electoral Roll siamthatna tura ruahmanna tharah hian District Election Officer te, Election Officer te leh District-Level Master Trainer ten mawhphurhna sang an nei a, abik takin Electoral Roll a thun leh paih chungchang, a hnathawktu chi hrang hrang ten an hna fiah leh chiang taka an hriat theihna turin an vil uluk a ngai hle dawn ani a ti a, NERP-2016 chungchanga an hmalakna thlirhona kartin Video Conferencing hmanga neih anih tur thu a sawi bawk. NERP-2016 hlawhtlinna tura theihtawp chhuah a tul thu sawiin harsatna awm te pawh zirchiang a a chinfel dan tur chungchang pawh uluk taka inrawn tlanga tanho a tul a ni a ti a, mizote hi hming in ang kan tam em em mai a, hriat pawlh a awlsam avangin Electoral Roll a ziahluh chungchangah pawh fimkhur hle a ngai a ni tiin training hlawhltling tak nei turin duhsakna a hlan a ni.
Election Commission of India Observer Pu Sanjeev Kumar Prasad pawhin NERP-2016 ah chuan IT application hman nasat anih dawn avang leh thil thar telh belh teuh anih avangin Master Trainer te chuan an hriat bel hle a ngai dawn a ni a ti a, ramchhung hmun dang te tan pawha entawn tlak Electoral Roll felfai nei tura theihtawp chhuah turin duhsakna a hlan a ni.
NERP-2016 hi Electoral Roll felfai leh thianghlim awm theihna tura ECI ruahmanna siam a ni a, he hna hi August ni 31, 2016 a thawh zawh vek tur a ni. Electoral Roll tharah chuan chhungkhata member chenghote Polling Station khatah dah vek tur an ni a, EPIC a thlalak fiahfai dah te, mipakhat tan EPIC pakhat aia tam siam anih lohna tura hmalak te, Electoral Roll atanga paih ngai leh belh ngai te rang tak leh felfai taka tihfel zung zung bakah Polling Station Mapping te leh thil dang tam tak NERP-2016 kaltlang hian tih tum a ni.
Vawiin Training hi Pu FJ Liantluanga, Jt. CEO in a kaihruai a, State-Level Master Trainer pathum Pu H.Lalhmingthanga, SDO(S), Aizawl, Pu Malsawmzuala, ACEO leh Pi H. Vanlalruatfeli, Programmer ten thupui hrang hrang hmangin zirtirna an pe a ni.
