3494/2023-2024

Aizawl 25th January, 2024 : Women & Child Development leh District Programme Office, Aizawl District tangkawp te buatsaih January Ni 19 atanga hman tan National Girl Child Day 2024 chu vawiin khan Taxation Auditorium-ah Pi Zoramthangi Chhangte, Director, Women & Child Development hovin hman a ni.

He hunah hian hmeichhe naupang zirna lam leh inkhelh lama titha te chawimawina, BBBP Girl Child Achiever Award a hnuaia mite hnenah hian hlan an ni.

1. Janet Malsawmpuii Ralte leh Zonunsangi, Presbyterian English School, Republic Veng - Red Ribbon National Quiz Competition, 2024

2. Govt. Lallengvunga H/S Girls Hockey Team, Thenzawl - Champion, 29th Charanjit Rai Junior Girls Hockey Tournament for Under 17

3. Regina Lawmkimi, Zonuam Aizawl - Champion AITA National Tennis Ranking Under 14 Championship Series, July, 2023 leh Runner - Up, AITA National Junior Tennis Ranking Under 14 Championship Series, April, 2023

4. Cindy Remruatpuii Colney, Armed Veng - Under 17 Indian National Football Team-a a tel theih vangin

5. Ramdingliani, Chanmari West - 67th National School Games 2023-24, Taekwondo-a Silver Medalist

6. Abigail Lalthazuali, Saron veng - Badminton-a Mizoram Women's No 1, 2022 leh 2023 North East Junior Badminton Championship Under 19 -a Double Championship leh Singles-a Bronze Medalist te an ni.

Heng bakah hian NGCD puala Father-Daughter Photo Competition buatsaih chu lawmman pakhatna atanga pangana thleng sem a ni bawk.

Tarlan tawh angin National Girl Child Day pual hian Ni 24 January a hmeichhe naupiang te hnenah lawmpuina thil hlan tura ruahman tawh chu Maternity Ward Civil Hospital-ah lawmpuina hun hman a ni a. Civil Hospital, Aizawl bakah hian Mizoram puma Sorkar damdawi In a hmeichhe nausen piang zawng zawng chhungte hnenah Puakpuan, Certificate leh Pawisa fai ₹2000/- hlan an ni bawk a ni.

NGCD 2024 hmanna-ah hian BBBP Line Department hrang hrang te, Presbyterian English School, Republic Veng te leh sawmbikte an tel a ni.