No.6742/2020-2021

Vawiin khan Taxation Conference Hall, MINECO-a National Health Mission (NHM) programme buatsaihah Kayakalp (Damdawi in Fai leh Tha Lawmman / Award to Public Health Facilities)  lawmman, LaQshya Certification leh National Health Mission  hnuaia lawmman chi hrang hrang sem a ni a. Health Minister Dr R.Lalthangliana chu khuallian niin Health & Family Welfare Board Vice Chairman Dr ZR Thiamsanga leh Health Secretary Pu H.Lalengmawia te chu khual zahawm an ni. 

Health Minister chuan fai leh thianghlim kawnga inelna hlawhtling tak buatsaih a ni chu lawmawm tiin lawmman dawngtute leh a dawng ve lo te tan fuihna leh chona ni thei se a duh thu a sawi a. Health Deparment-a thawktuten engtinnge kan awmna District-te fai leh thianghlim takin kan siam theih ang tih ngaihtuah tura fuihin thianghlimna ken tel chu hriselna a ni, a ti. Nunna hi a hlu a, mihring min tihlimtu ber chu hriselna a ni, Dr R.Lalthangliana chuan a ti a. Mihring hriselna kawnga thawktu Health Department chu an pawimawhzia hriaa, an hnathawh piah lamah an tawngkam leh chezia in mi te rilru leh taksa a tidam thei tih hre thar leh turin a chah bawk a ni.

Khual zahawm Dr ZR Thiamsanga MLA pawhin Health Deparment hnathawh ropui a tih thu te, Kayakalp kalpui hnuah kawng hrang hranga hlawhtlinna ropui tak tak an chan thu a sawi a. Heng hlawhtlinna an chan te hi thawhhona tha an neih vang a ni tih sawiin national leh international level thlenga ngaihtuahna seng turin a fuih a ni.

Health Secretary Pu H.Lalengmawia chuan Kayakalp leh award dang an sem tak te chu taksa chauh ni lo chhung ril damlo te damna tur hmalakna ropui tak a ni a, thawktute a tiphurin an tha a ti tho a, thawktuten kawng tinrenga hma an sawn theihna tura nawr kal tu pawimawh tak a ni, a ti.

He lawmman sem inkhawm hi Dr. Eric Zomawia Mission Director, NHM, Mizoram chuan kaihruaiin programme hmangtute chungah  lawmthu a sawi a. Health Minister Dr R. Lalthangliana; Vice Chairman, H&FW Board Dr. ZR Thiamsanga leh Pu H. Lalengmawia IAS, Secretary, H&FW Department te chuan lawmman chi hrang hrang te hi an sem a ni. 

Kayakalp hi Central Scheme niin, kum 2015 atanga hman tan a ni a. He program hi   Swachh  Bharat  Abhiyan hnuaia Sawrkar damdawi in - District Hospital, Sub District Hospital/ Community Health Centre, Primary Health Centre leh Urban Primary Health Centre te tehfung hrang hrang hmanga endik  a ni a. Damdawi in  felfai ber thlanna niin a ti tha te hnenah lawmman sum fai leh citation te hlan thin   an ni. He endikna hi Qualified Assessors ten uluk takin endikna checkpoints awm sa 300 vel hmangin an endik thin a ni. 

 Kum 2019-20 chhunga Kayakalp Lawmman dawngtu te chu:

1. District Hospital: 
   • 1st Prize- Lawngtlai DH
   • 2^nd Prize- Champhai DH
   • 3^rd Prize- Serchhip DH
   • Special Prize – Mera Aspataal Award – Mamit DH & Lawngtlai DH
   • Best Team work _ Mamit DH
     1. SDH/CHC:
        • 1^st Prize- Sakawrdai CHC
        • 2^nd Prize- Kawrthah CHC
        • 3^rd Prize- Biate CHC
        • Special Award- Most Improved- Chawngte CHC
        • Best Team Work – Kulikawn SDH
     2. 
        
        1. UPHC:
           • 1^st Prize- Hlimen UPHC
           • 2^nd Prize- Sazaikawn UPHC
           • 3^rd Prize- Chawlhhmun UPHC
           • Special Prize - Most Improved-Hlimen UPHC
           • Best Team Work –Sazaikawn UPHC
        2. PHC’S

Hei bakah hian National Health Programmes hrang hranga 2019-20 chhunga district leh centres ti thate hnenah citations/certificates hlan an ni bawk.