No.7179/2020-2021

Vawiin khan India ram pum huap Covid - 19 hri danna tlangzarh anih rualin Civil Hospital Lunglei ah pawh Covid 19 hri danna tlangzarhna neih a ni. Dr.K. Pachhunga, MLA, Vice Chairman, Bomboo Development Board, Govt.  Of Mizoram chuan he hun hi a hmanpui a. Launching program hman zawhah hian Lunglei Civil Hospital Vaccine Seasion Site-ah vaccine pekchhuah nghal niin Lunglei District Immunization Officer & SMO Dr Lalrinthangi chuan Covishield Vaccine hi a dawng hmasa ber a ni.

He hun hi Dr. SR. Ngurchamliana, Medical Superintendent, Civil Hospital, Lunglei chuan kaihruaiin Dr. K. Pachhunga chuan Covid -19 hri danna Covishield pekchhuah hna Lunglei District chhunga tluang taka kalpui anih theihna turin thawktu te duhsakna a hlan a. Kum 2020 hreawm taka min siamtu  Covid -19 hri avangin India ram ah hmasawnna a thuanawpa, Mizoram ah pawh Lockdown avangin hmasawnna a thuanawp a ni a ti. Hun reilo te chhungin India ram scientist  te thawhrimna  avangin hri danna pek chhuah theia awm hi ropui a tia, khawvel in damna a chan a beisei ani. Mizoram ah pawh Chief Minister leh Health & Family Welfare Minister  hmalaknain Covid -19 test theihna khawl hman theih in a awm a, District hrang hrangah TrueNAT khawl bun anih thu a sawi bawk. Covid 19 ven nana ramdangin a an neih loh VLTF kan nei hi a vanneihthlak a ti a,hri darh tur pawh an veng hle ani ati. Covid 19 hri ven nana mipui, kohhran, NGOs leh sorkar hnathawk te inpekna  ropui ati a, Covid -19 hri do nana a thawktu te chungah Mizoram sorkar aiawh in lawmthu a sawi ani.

Dr. Lalrinthangi, District Immunization Officer, Lunglei chuan report pe in India ram pumah session site 4000 siam niin Mizoram ah pawh hmun 4 a siam ani ati. Session khat zel ah mi 100 te hnenah hri danna pek a nih tur thu a sawi a. Lunglei District  pumah  vaccine  dawng thei tur Health Care Worker mi 2050 ziahluh an ni a, hri danna Covishield  hi 0.5ml pek tur  niin mi tam tak ah enchhin anih tawh a, a him tawk ani ati. Covishield ah hian side effect a awmlo ani ati bawk.

Hri danna hi vawiin atangin Healthcare Worker 100 te hnenah pek an ni anga, hemi zawh ah hian Frontline Worker Police, BSF, AR te pek an ni ang. A dawt leh ah kum 50 chin chunglamte bakah kum 50 hnuailam natna benvawn vei te ngaih pawimawh an ni leh dawn ani ati. Hri danna hi naupai, nu hnute pelai leh kum 18 hnuailam te pek anih loh tur thu a sawi. Hri danna hi mi pakhat tan dose 2 lak tur niin dose khatna lak hnu ni 28 ah dose hnihna lak leh tur a ni.

Lunglei Districta Covid-19 Vaccine pek hna hi tluang taka kalpui mek niin vawiin chawhnu dar 2 : 30 thleng khan Health care worker mi 40 hnenah pek chhuah tawh niin chhunzawm mek zel a ni.