Election Commission of India buatsaih National Painting Competition-ah Govt. Central High School, Aizawl Class XI zirlai Jonathan Lalchhandama chu pathumna a ni a. Mizoram Chief Electoral Officer Pu SB Shashank chuan Govt Central High School-ah lawmman hi a hlan a ni.

Chief Electoral Officer Pu SB Shashank chuan thu sawiin state hrang hrang atanga tel zingah Mizo zirlai-in pathumna dinhmun a hauh thei chu lawmawm a tih thu a sawi a. Zirlaite hnenah chuan kum 18  tlin hunah electoral roll-a hming ziahluh chu tihtur pawimawh tak pakhat a nih thu a sawi a. Asst. Chief Electoral Officer,  Pu Malsawmzuala chuan election chungchang hrilhhriatna hun a nei bawk a ni.