Kum 2017 Christmas leh Kumthar 2018 mitin in dam leh hlimtlang taka kan hman theih nan Aizawl khawpui chhung remchang hmun hrang hrangah Aizawl Traffic Police leh Transport Department Enforcement staff ten traffic dan bawhchhia abikin Zurui chunga lirthei khalh, zial zu chung leh Mobile phone hmang chunga lirthei khalh, phur- rit lutuk (over-loading), lirthei chak lutuka khalh leh Vehicle Document fel leh felloh te check/enfiah runpui ‘No Tolerance Drive/Checking’ chu ni 11.12.2017 (thawhtanni) atangin an kalpui dawn a ni.

He ‘No Tolerance Drive/Checking’ chhung hian  abik takin Zurui chunga lirthei khalh man te chu an Driving License Suspend/Cancel turin DTO hnenah thawn zel a ni bawk ang. Tin, Garage Certificate Check tel nghal a ni dawn a, Garage Certificate neilo mante chu MV Act hmanga hrem an ni ang. Hemi chhunga dan bawhchhia man reng reng te chu inngaihhnathiamna a awm dawnlo a ni.