No.3173/2021-2022

Aizawl,the 26th November,2021 : Vawiin khan Mizoram Pharmacists' Association huaihawtin Synod Conference Centre-ah 60th National Pharmacy  Week hman a ni.

Week hawnna hmanpuitu Dr. T. Lalhmangaihi, Director, Hospital & Medical Education, Department of Health & Family Welfare chuan pharmacist-te fuihna leh pharmacy hnathawh pawimawhzia leh hlutzia a sawi a. Mizoram mai ni lo a, state pawnah leh rampawnah hna thawh hreh lo turin a fuih. Mizoram chhungah ramhmul damdawi hmuhchhuah leh tihchangtlunna kawngah hmasawnna tur a la tamzia leh hemi kawnga pharmacist-te tangkai theih dan turte a sawi a. Mipui hnena damdawi chungchang zirtirna kawngah thuziak leh thildangah te pawh hma la nasa zual turin a fuih bawk a ni. Mizoram Pharmacist Association-in member thahnemngaite thawhkhawm hmanga  3C leh 4C sawmsarih lai mai hnena COVID -19 enkawlna damdawi chi hrang hrang damlo 2035 hnena an sem chu ropui a tih thu a sawi bawk.

He hunah hian Dr. Lalhmangaihsanga Renthlei, Doctor of Pharmacy chuan kumin NPW thupui - 'Pharmacist : An integral Part of Healthcare' tih thupui hmangin kalkhawmte zirtirna a nei a. Tun hnaia Mizo zingah pharmacy course hrang hrang pass tharte leh  titha ber hnenah 'S.L. Sailo Pharmacy Award' hlan nghal a ni bawk.