India Sawrkar flagship programme pawimawh tak National Population Register (NPR) - Biometric Enrollment (BME/Aadhaar Card) siam hna chu India ram state hrang hrangah leh UT ah te neih mek a ni a, Mizoram ah pawh he hna pawimawh tak hi thawh mek a ni. BME hi chak zawka kalpui a nih theih nan Central Sawrkar chuan mobile enrollment camp atan Mizorama hman tur Bus pakhat a rawn pe a, hei hi thla hnih chhung atana ruahman phawt a ni.

Vawiin chawhnu dar 1:00 khan Pu Lalhmunsanga Hnamte, Addl. D.C. Aizawl kaihhruaina hnuaiah Directorate of Census Operations, Government of India te nena tangdunin he Bus hi DC Office complex atangin vailiam / flagoff a ni a. Aizawl District chhunga hmun hrang hrangah a remchan dan anga programme te siamin Bus hi hman zui nghal tur a ni. A thlenna hmun apiangah BME tih nghal zel theih turin he Bus hi hmanraw tul hrang hranga thuam vek a ni. Aizawl District bakah Mizoram chhunga District hrang hrang ah hman zui zel tura ruahman a ni. Bio-Metric Enrollment la ti lo zawng zawng te chu ti vek tura ngen leh beisei an ni.