717/2023-2024

Aizawl the 8th June 2023 : Vawiin khan EF&CC Minister Pu T.J Lalnuntluanga chuan Department of Political Science buatsaih, nihnih awh tur National Seminar on India and G20: Setting a Global Agenda chu a hawnna a hmanpui.

He hunah hian Minister Pu T.J Lalnuntluanga chuan thu sawiin Mizoram Peace Accord chu kum 1986 ah neih niin, he Peace Aizawl pawimawh tak mai denchhenin kan ramah zirna sang, Mizoram University a lo piang ta a, Mizoram University chu tunhnai a National Institutional Ranking Framework (NIRF) 2023 in a tarlan danin University tha 76th niin, North Eastern States-ah University tha 2-na a ni a ti a. Mizoram University-a Department of Political Science in G20 denchhena Seminar a neih chu lawmawm a tih thu sawiin, India ramin G-20 Presidency a chelh chhung hian khawvel mit hmuha ram hmasawnna phochhuah a nih theih nan leh hmasawnna tur potential haichhuah leh zirchian kawngah he seminar hian kawng thui tak Mizoram tan a thlen thei a ni a. Mizoram chu ram dang nen a inri a nih avanga insumdawn tawnna leh ram dangte nen inlaichinna kawnga pawimawhna a neih thu sawiin heng area-ah te hian Professor te chuan zirbingna(research studies) nasa leh zual nei turin a ngen a, he seminar chhimtu reseach scholars leh midang kalkhawm zawng zawngte chu seminar hlawk taka hmanturin duhsakna a hlan nghal a ni.

Ni hnih awh tur national seminar hi Academjc Session pali a then a ni a, G20 and India: Soft Powers & Local Actors; Sustainable Development Goals and G20; India's Foreign Policy Issues and G20 tih thupui then a ni a, Mizoram University, ICFAI University Aizawl; NEHU, Shillong; Vidyasagar University, West Bengal.

Minister hian Vice Chancellor Prof. DC Deka, chu Mizoram University a office chamber ah hmu nghalin, Mizoram Univeristy a Law Department awm theihdan tur a sawipui a, Vice Chancellor  hian, MZU a Law Department dah chu a tha tih thu sawiin  Central ministry ah a tul anga proposal siam a bawhzui a lo tum tur thu a sawi nghal bawk a ni.