Labour Employment & Industrial Training Department, Govt. of Mizoram leh National Skill Development Agency, MSDE, Govt. of India te tangkawpa huaihawt Workshop on National Skill Qualification Framework & National Quality Assurance Framework chu vawiin chawhma dar 10:00 khan ATI Auditorium-ah Chief Secretary & Chairman, NSQF Steering Committee Pu Lalmalsawma’n a hawng.

Workshop hawnna thu sawiin Chief Secretary chuan skill development chu tunlai khawvela thil pawimawh leh tul tak a ni, a ti a. Hna hmulo tam tak awmna Mizoram tan NSQF chu a pawimawh lehzual a ni, a ti. Tunlai hunah hna thiam indaihlohna a nasat thu sawiin eizawnna tlak thiamna miten an neih theih nan theihtawp chhuaha kan tan tlan a ngai a ni, a ti a, sawrkar department hrang hrang atanga workshop hmang tura lokalte chuan an hlawkpui a beisei thu a tarlang bawk.

Sawrkar department hrang hrang ten NSQF an zawm vek turin sawrkar laipui chuan a ruahman a, ni 27 December, 2016 thleng hun bituk a ni. Workshop ah hian NSDA officials ten department hrang hrang aiawh kalkhawmte hnenah NSQF kalpui dan tur leh tihhlawhtlin dan turte an zirtir a ni. Workshop hi Pu Benjamina, IDAS, Commissioner & Secretary, LE & IT in a kaihruai a, Pu Haukhum Hauzel, Member Secretary i/c Skill Development, State Planning Board in a hmanpui bawk a ni.