1625/2026-2027

Aizawl, 3rd August, 2026: Vawiin khan ITI Multi-Disciplinary Training Centre, Aizawl-ah Health Services Director Dr. Lily Chhakchhuak chuan Natna puang thut (outbreak) a lo thlen a hmachhawnna leh inbuatsaihna tihchakna tur a hmalakna pawimawh tak Simulation Exercise ni hnih chhung awh tur a hawng.

He Simulation Exercise hi Department of Health & Family Welfare, Government of Mizoram kaihhruaihna hnuaiah neih niin, Jhpiego leh Public Health Foundation of India (PHFI) te'n technical support an pe. He programme-ah hian department hrang hrang thawhhona tihchak tumin Health, Veterinary, Agriculture, Forest, Rural Development, Urban Development, Aizawl Municipal Corporation, private hospitals, IMA, ZMC&H leh Civil Hospital, Aizawl aiawhte an tel a ni.

He Simulation Exercise hi Mizoram-ah vawi khatna atan neih a ni a, hetiang exercise hi India ram state dangah pawh neih chhoh zel tur a ni.

He programme hi Mizoram State tana public health emergency preparedness tihchak leh department hrang hrang inkara thawhhona siam thatna kawngah hmasawnna pawimawh tak a ni a; Mizoram-ah dan anga kalpui reng theih tura hmalakna hmasa ber a ni bawk.