DoNER Minister Gen. V.K. Singh kaihhruaina hnuaia North East Chief Ministers Meet vawiina Assam Administrative Staff College, Guwahati-a neihah Chief Minister Pu Lal Thanhawla chuan Mizoram dinhmun leh mamawh hrang hrang a thlen.
Chief Minister chuan DoNER Minister in hmarchhak ngeiah hetiang meeting a buatsaih chu lawmthu a sawi a. India hmarchhak state te dinhmun leh mamawhte vawi tam tak sawiho anih thin thute sawiin, state lian zawk tam takte chu hmasawnna kawngah leh a ruhrel siamna lamah an la phalo hle a ni a ti a. Chief Minister chuan Mizoram bik mamawhte leh hmasawnna kalpui mek, central scheme te tiamin a tarlang bawk a. Chief Minister chuan a ngaihpawimawh bik, rela inkalpawhna tihlen tur avanga October ni 1, 2014 atanga Bairabi thleng rel tlan tih tawp tur chungchang a sawichhuak a. Pu Lal Thanhawla chuan he rel kawng tihlen tur avanga rel kawng khar a ni tur hian keini chauh nilo Manipur leh Assam khawimawlai a nghawng tur thu a sawi a. He relkawng zauh tur hi a a that em em rualin ei leh bar lam bakah mamawh chi hrang hrang phurhluhna kawngah harsatna namenlo kan tawh phah dawn a ni a ti a. Motor kawnga buhfai leh thildang chawkluhnaah kawngpui te hi a that tawk loh avangin nasa takin Mizoramin kan tuar thei a ni a ti a. Hetiang dinhmuna ding kan nih avangin rel kawng block conversion project hi National Highway (NH) 44 leh 54 tih zauha, siam that anih hma chu rel kawng block hi tunah rih chuan kalpui lo turin DoNER Minister chu Railway Ministry ah leh Railway Board ah min thlen sak turin Chief Minister chuan a ngen nghal a ni.
DoNER Minister Gen. V.K. Singh chuan hmarchhak state hrang hrangte dinhmun leh mamawhte hmarchhak ngeiah rawn hmu a zirchian tul atih avanga NE Chief Ministers Meet hi helaia nghah ani a ti.
Meeting-ah hian Meghalaya leh Sikkim Chief Minister ten an aiawh tirin, state dang zawng Chief Minister te chu an tel kim a ni. NEC Official te pawh thahnem tak an tel
