North Eastern Council (NEC) Secretariat, Shillong-ah vawiin khan NEC Secretary Pu Ram Muivah, IAS chuan Space Based Information Kiosk (SBIK) chu vawiin khan a tlangzarh. He Space Based Information Kiosk hi NEC in North Eastern Space Applications Centre (NESAC) leh State Remote Sensing Applications Centres of North Eastern region kaltlanga a hmalakna niin, NEC sum hmanga hmsawnna hna thawh hrang hrangte Space technology hmang tangkaiin tha zawka ruahmanna siama enfiah zui a nih theih nan ruahman a ni.

State hrang hranga SBIK-ahte hian ram leilung chungchang leh hman tangkai a nih dan te, ram tha lai leh chhengchhe lai awm zat leh awmna hmun te, lui leh tui hna awm dante, inkalpawhna kawng leh khua awm zat leh an zau zawng te, khuarel chhiat thula hmalak theih dan tur chungchang leh thil pawimawh dang tam tak te space technology input hmangin dah a ni a. Touch Screen Based System a thuam niin, hmangtuten ISRO MOSDAC site leh Bhuvan Satellite leh Base Data atangin khawchin rintlak tan an hre thei dawn bawk a ni. SBIK hi Geoportal – North Eastern District Plan nen thlunzawm a ni bawk.