No.4125/2020-2021

India Independence Day vawi 74-na chu vawiin khan North Eastern Council, Shillong pisapui hmunah urhsun taka lawm a ni a. NEC Member Prof. Biman Kr. Dutta chuan hnam puanzar pawtpharhin Zalenna Ni pualin thuchah a sawi. Amah bakah Air Marshal Anjan Kumar Gogoi, PVSM AVSM VSM (Retd.), NEC Member dangte leh NEC Secretary Pu K.Moses Chalai, IAS te pawhin thuchah an sawi a, NEC official leh staff kalkhawm zawng zawngte nen Covid-19 laka invenhimna kawng hrang hrang tha takin an zawm vek a ni.

North Eastern Council hi hmarchhak bial state 8 - Arunachal Pradesh, Assam, Manipur, Meghalaya, Mizoram, Nagaland, Sikkim leh Tripura – hmasawn tura chak taka hma laa thawk a ni a. NEC hnuaia project kalpui mekte leh hmalakna hrang hrang hrechiang duhte tan a hnuaia an social media / website-ah te en theih a ni e.

Facebook - www.facebook.com/NorthEasternCouncil/
Twitter- twitter.com/NEC_GoI
Instagram - www.instagram.com/northeasterncouncil/
LinkedIn - www.linkedin.com/company/northeasterncouncil/