Northeast Eastern Development Financce Corponation Ltd.(NEDFi) Aizawl Branch chuan June 13, 2019 khan Aijal club ah Business Meet an buatsaih.
He Business Meet hi Pi Lalthasangi, Assistant Manger NEDFi Aizawl Branch chuan kaihruaiin, sumdawng mi ( Entrepreneurs) mi 156 lai an kalkhawm a ni. Pu Lalhmangaiha Fanai, BFC Mentor NEDFi Aizawl Branch chuan kal khawmte lawmna a sawi rualin NEDFi chu India sawrkarin hmarchhak state te hmasawnna tur a a din a nih dan te a sawi hmasa a ni. Pu Lalhruaizela Fanai, NEDFi Aizawl Branch Manager chuan NEDFi hmalakna hrang hrang leh an scheme neihte sawifiah in, NEDFi chu DONER Ministry hnuai a awm a nih avangin Loan nuai 100 (za) aia tam loan chuan kum khatah 8% ( Za zel a pariat) a loan a puk tir thin thu a sawi a, Interest chu Monthly reducing Balance Method a an chhut thin thu a sawi bakah, Bank dangte khaikhin chuan an interest rate chu hniam tak a nih thu a sawi a ni. Industry din te leh sumdawngte chuan Bank dang an dawr hmain NEDFi chu dawr phawt thin se a duh thu a sawi lang bawk a ni.
Pu Lalhruaizela Fanai chuan Northeast Industrial Development Scheme ,2017 hnuai a subsidy awm te pawh a sawi fiah a, Industry din tuten an khawl leina man atanga 30% an claim theih thu te, Transport subsidy chungchangte leh NABARD kaltlang a Subsidy awmte pawh a sawifiah bawk a ni.
Pu Krishna Sharma, Charter Accountant, Akas & Associates firm, Tuikhuahtlang, Aizawl pawhin Mizo mipuite tan an in hawn reng thu sawiin Project report te, Balance sheet te an siam sak mai bakah kawng tam takin Mizoram tan a hna an thawh theih thu a sawi a ni. Hemi hnu hian zawhna leh chhanna hun in a chhunzawm leh nghal a ni.
