Pu K.Lalrinthanga, Parliamentary Secretary leh Serlui Bialtu MLA ni bawk chuan vawiin khan a bial chhung a NEDP hnuaia hmalakna tur a tlawh.

Pu K.Lalrinthanga chuan a bial chhunga NEDP sum hmanga hmalakna tur hrang hrang te a hmun ngeia tlawh a, hmalak hmasakna tur leh khawtlang hruaitu ten ngaihpawimawh hmasak ngai nia an hriat te ngaihven a kal a nih thu a sawi a. Rengtekawn Hall sak lai, Rengtekawn - Builum lei dawh lai, culvert siamna tur te, Builum kawng zawh theih loha leiminin hmun hniha a tih chhiat te, Bukvannei a thlaithar zawrhna tur bazar sakna tur hmun te, Saihapui(K) a thlanmual panna leh feh kawng siamthat dan tur a hmunah enin, tehfel ngaite an teh nghal a. Buhchangphai leh Phaisen khuaa hmalakna tur awm te a tlawh bawk.

Parliamentary Secretary hian Thingdawl ICDS Office tlawh bawkin, an hnathawh dan leh mamawh te hnathawktute a sawipui a ni.

Attachment

  • Loading attachment...