NEDP hnuaia kolasib Assembly constituency tana hnathawhna tur Work Order chu vawiin khan Bialtu MLA Pu PC Zoram Sangliana'n a sem chhuak.

Kolasib Assembly Constituency tan hian Sawrkar atangin cheng Nuai 200 hmuh ani a, Kolasib khawchhung ah hall thar panga sak na tur 1st Phase atan nuai 15 theuh ruahman a ni a, Taitesena Hall Venglai ami thuamthat (renovate) nan cheng nuai 8 ruahman ani bawka, hemi bakah hian hna te sep hrang hrang 92 thawhna tur Work Order pawh pekchhuah a ni.

Pu PC Zoram Sangliana chuan he huna khawtlang hruaitu kalkhawmte chu fuihin hna thawktute hnathawh dip zawng niloa thahnem ngai tak siin hnathawh te chu enpui turin a chah a, Sum chungchangah pawh rinawmna a pawimawh thu sawiin khawtlang hmasawnna atana Sawrkar ina sum a ruahman chu a hmanna tur diktaka hmang turin a chah bawk a ni.

He hun hi Kolasib DLAO Pu ST Lalhmingmawia'n kaihruaiin Kolasib khawchhunga Veng hrang hrang hruaitute an tel a ni.