New Economic Development Policy (NEDP) hnuaia Entrepreneurship Development Scheme (EDS) kalpui mek ah college leh university atangin Associate Professor leh Assistant Professor hrang hrang 10 thlanchhuah te chuan  “Training of trainers on Entrepreneurship” chu National Institute of Micro, Small and Medium Scale Enterprises(NI-MSME), Hyderabad ah vawiin khan an zo.

He training hi EDS a component pakhat- “Master Trainer Development Programme” a ni a. March ni 20-24, 2017 chhung khan training hi neih a ni.  Classroom training bakah  NIRD Rural Innovation Exhibition ah leh T-Hub Incubation Centre ah te field visit neihpui an ni.

Heng Master Trainer te hian a tul angin District hrang hrang a school leh college ah te entrepreneurship chungchangah training anla pe chhawng dawn a ni.

Mizoram-a District capital hrang hrangah te Entrepreneurship Awareness Programme hman a ni bawk a. Tin, EDS hnuaiah hian Innovation Club member, zirlai 10 te chu “Festival of Innovation 2017, New Delhi” chhim turin March ni 8&9 khan an kal tawh bawk a ni.  EDS kalpui zelna turah hian “Business Proposal Competition” te, “Entrepreneur Award” te leh a dangte pawh kalpui tura hma lak mek a ni.