Vawiin chawhnu khan NLUP Conference Hall-ah Monitoring & Evaluation Committee for  New Economic Development Policy (NEDP) Meeting vawikhatna chu Chairman Pu H.Liansailova, Vice Chairman, Mizoram State Planning Board hova neih a ni. 

Pu Liansailova chuan NEDP hlawhtlinna tur chuan a Implementing Department te tihtakzet leh thahnem ngai taka hnathawh a ngai dawn a, Department tin te performance Sawrkar chuan a enpui reng dawn a, inthlahdah a remlo a ni a ti. Pu Liansailova chuan NEDP vilna tur Monitoring Templates duan fel tawh niin, a khat tawkin Monitoring Committe hi koh chhoh zel a ni dawn a ni a ti. 

Dr C. Vanlalramsanga, Secretary, Planning in NEDP Implementing Department ten NEDP an kalpui dan dinhmun tlangpui te sawifiah in, Department thenkhat ten chak tak hma an lak lai in Department thenkhat te hma lakna erawh chu duhthu a sam loh thu a sawi a. NEDP Operational Guidelines hmanga chak tak a hma la turin Department te chu Planning Secretary chuan a ngen a ni. 

Meeting ah hian Department hrang hranga Secretary leh Director-ten NEDP a an dinhmun leh harsatna an neih te leh rawtna an neih te sawiho a ni. Meeting-ah hian State Planning Board a Officials leh Expert Member te pawh an tel a ni.