North Eastern Indira Gandhi Regional Institute of Health & Medical Sciences (NEIGRIHMS), Shillong-a kumin 2016-2017 academic session atan MBBS zir duhte chuan National Eligibility-cum-Entrance Test (NEET) - II kaltlangin North-East Open MBBS (seat 18 chuh turin) exam an pal a ngai tawh dawn a ni. NEET-II online application hi tun atanga ni 25.6.2016 thleng hawn a ni a. Technical Wing, Higher & Technical Education, Chaltlangah online application hi tih theih a ni.

Mizoram State hian NEIGRIHMS, Shillong-ah hian MBBS State Quota kum tin seats 3 a nei thin a, hei bakah hian North East State pariat ten an in chuh tur seat 18 (NE Open MBBS seats) a awm bawk thin a. Heng North East Open MBBS seat-te hnawhkhat tur hian NEIGRIHMS hian kum tin a hranpa in Entrance Exam a buatsaih thin a. Kumin atang erawh NEET-II Exam kaltlangin zir thei turte lak an ni tawh dawn a ni.