Ni hnih awh tur International Convention of World Homeopathy Day chu vawiin chhun dar 12:30 khan President of India Pranab Mukherji-in Plenary Hall, Vigyan Bhavan, New Delhi-ah a hawng a, He hun hmang hian Pu Lal Thanzara, Health Minister chu Delhi ah a cham mek.

He convention hi chhun dar 12:30 khan tan a ni a. Kalkhawm te lawmna leh Lamp Lighting neih a nih hnuah Shajit Sharan, Secretary, AYUSH in welcome address a sawi a. Dr. Renzo Galassi, President LMHI hnen atangin keynote address ngaihthlak a ni bawk. He hunah hian India ram mai bakah ramdanga Homeopathy system tih hmasawn zel dan tur te, tha zawk, changtlung zawka siam dan tur te leh ram hrang hrangten thawhhona tha zawk an neih theih dan te rel leh sawi ho a nih bakah health care system atana Homeopathy thuk zawka lakluh dan tur te rel ho a ni a.Naktuk hian neih chhunzawm leh tur a ni ang.

He Convention-ah hian Federal of Health Germany, German Ambasadorto India, Dr. Manoj Rajoria te bakah mi pawimawh tak tak an tel a ni.

Health Minister Pu Lal Thanzara hi Dr. Lallunghnema, CEO & Dy. Director AYUSH leh Dr. Hmingthankimi, M.O. NHM ten an tawiawm a ni.