Nimin zing dar 11:00 khan DC’s Conference Hall, Mamit-ah Pu P.L. Thanga, Vice Chairman NLUP  Implementing Board hovin Mamit District chhunga NLUP hmalakna a lo hlawhtlin theihna turin meeting pawimawh tak neih ni.

He meeting-ah hian Pu P.L. Thanga, Vice Chairman chuan tuna NLUP hlawhtlinna kan hmuhte hi Line Department a thawktute thawhrimna rah a ni a ti a. Line Department te chungah lawmthu a sawi a ni. Vice Chairman chuan NLUP Beneficiaries te  trade thlan chungchangah harsatna zual awm thin te chu Line Department te’n a remchan anga siam rem mai tha a hriat thu sawiin  he tih lai hian Land Base Survey ngai chi te pawh a hmunah kalin project siam a hun taka sum pek chhuah hman a duh thu a sawi a. Hemi kawngah hian Line Department te pawh tan la leh zual turin a chah a ni.  Vice Chairman NLUP Implementing Board chuan sorkarin mi rethei zawkte dinchhuahna tura hma a lak mek naah hian Sorkar Policy zawm lo Agency te hi tanpui zui zel loh tur a ni a ti bawk.

Pu P.L. Thanga Vice Chairman, NLUP Implementing Board chuan NLUP III Phase kan kalpui chhoh mekah hian kan kalpui tawhte atanga fel lo lai awm te paihin hlawhtling zawka kan kalpui theih nan Beneficiaries te tan District chhunga khaw thlan chhuahah te NLUP trade thlan chungchangah inhmuhkhhawmna buatsaih nise, District Level NLUP Implementing Committee in a hun leh a hmun tur chu ruahman se tih te sawihoa rel a ni bawk.

Meeting-ah hian Integrated Cluster Development Project March thla chhung ngei hian Line Departmnt ten siamin DC’s Office-ah thehluh nise tih rel a ni bawk.

He meeting-ah hian Line Department ten an harsatna te sawi chhuakin a sutkian dan tur sawiho nghal a ni bawk.

Meeting ah hian NLUP Line Department Officer te an tel tha hle.

Pu P.L. Thanga Vice Chairman NLUP Implementing Board hian ni 9th March 2013 (Inrinni) khan Mausen leh Darlak a NLUP hnuaia Soil & Water Conservation, Mamit District in Rubber Nursery an siam chu a hmunah kalin a tlawh a. Rubber phun te chu an enkawl tha a, lungawi thlak a tih thu a sawi a. Thawktuten Rubber vih phun te hi fur ruahtui in chawm hman thei se a nun that lehzual an rin thu an sawi chu Pu P.L. Thanga chuan a hun taka Rubber khawi hman turin sum a hun taka pek chhuah an nih theih nan hmalak a tum thu a sawi.

Rubber Nursery hmun tlawhnaah hian Pu R.S. Lalzamliana, Mamit District Bawrhsap leh District Officer, Soil & Water Conservation Department, Mamit ten an tawiawm a ni.