Ni 8/3/2013 khan NIB/I&PR Chief Media Officer, MJA Gen. Hqrs hruaitute leh Saiha District-a NLUP line department official te’n Chhuarlung khua a NLUP hnuaia Sial vulh thlangtu beneficiaries te hmalakna leh hnathawhte a hmunah tlawhin,inkawmhona hun tha tak an hmang.

Saiha District chhungah hian NLUP hnuaiah khaw 8 ah sial vulh  awm mekin, an vaiin beneficiries 154 an awm a ni. Chhuarlung khaw bikah hian beneficiaries chhungkua 38 an awm a, chhungkua tin NLUP hnuaia atangin in sial leina tur Rs 1,00,000/- theuh pek an ni a. Beneficiaries te hian 6-8 vel sial an lei theuh va, tuna chhuarlung khua a sial awm zat hi 250-300 vel ni a hriat a ni. chhuarlung khaw ram hi hmun hnihah thenin, sial tlatna tur leh lo-huan siamna tur fel taka then hran a ni a. An sial vulhte an lo-huan siamna lama an tlat loh na tura sedai theu chu an hnapui ber leh  hna hautak ber a ni thu NLUP officialte an  hrilh. Sedai theu nana an thingtuai hman ringawt pawh uiawm tham leh nasa taka ramngaw ti chereuhtu a ni avangin sawrkarin an sedai theuna tur thirlen ngaituahpui se an duhthu official te hnenah an lo thlen bawk.

Tunah hian Chhuarlung ramah Chinghnia rual hnih awm mek a hriat a ni a, sial te pawh an seh zeuh zeuh thin avangin; chinghnia pakhat lumanah sial vulhtute hian Rs1000/-  zel an phal thu official te hnenah an thlen bawk.

Chhuarlung khuaa NLUP hnuaia Sial vulh thlangtute hmalakna tlawh