Vawiin chhun dar 12 khan P&E Veng YMA Hall, Serchhip ah Accounts & Treasuries Department Aizawl bul tumin Serchhip District Treasury hnuaia Drawing & Disbursing Officer leh NPS dealing staff te tan New Pensin Scheme(NPS) chungchang zirna buatsaih a ni. 

Training ah hian NPS Form hrang hrang fill-up dan te leh NPS chungchanga hriat tur pawimawh chi hrang hrangte powerpoint hmanga entir leh zirtirna neih a ni a NPS hi Mizoram sawrkar hnuaia a ngheta thawk, ni 1.9.2010 leh hnu lama mite tana hman vek tura duan a ni a, tun dinhmunah NPS dan hmang mi 5,200 an awm mek a ni. 

Training hi Pu Sangliana, Treasury Officer, Serchhip in a kaihruai a, Pi Esther Leihang, MFAS, Assistant Director (NPS), Accounts & Treasuries Department chuan inlawmna thu sawiin, Pu F. Malsawmkima, Assistant Auditor leh Pi Bernadeth Lalhmangaihtluangi, Assistant Auditor ten NPS chungchang hi chipchair takin zirtirna an nei a ni.