158/2025-2026

AIZAWL; 12th April 2025: Nimin 11.4.25 (Zirtawpni) khan Aizawl District Disaster Management Authority chairman leh bawrhsap ni bawk Er.Lalhriatpuia, IAS chuan emergency meeting kovin, Ngaizel lungtla avanga chhiatna thleng fo thin chungchanga hmalakna  tur ruahmanna  siam turin Aizawl District chhunga concern department official-te meeting a neih pui.

Meeting-ah hian Geology & Mining deptt, AMC, DM&R, PWD leh Traffic Aizawl aiawhte telin, Geological team ten a zirchianna an neih tawh atanga lung tlak chhan an zir chhuahte report ngaihthlak a ni a. Kawng hrang hranga hmalakna tur ruahhmannate siam niin, a zir chiang tur technical team pawh din nghal a ni.

Nimin vekah khan DM&R Minister Prof.Lalnilawma chuan Ngaizel lungtla avanga vanduaina tawk ta Lalbiakdika(24) s/o Lalbiakmawia, Tachhip chhungte hnenah an khuaah kal chilhin zawngnadawmna cheng Rs.4,00,000 a lo hlan  tawh bawk a ni.