NLUP Implementing Board hnathawktu ten ni 15.1.2014 atanga ni 17.1.14 chhung khan Ngopa tlangdung a khaw hrang hrang paruk Hliappui, Pawlrang , Ngopa,NE Khawdungsei, Khawkawn leh Chiahpui te an tlawh.

NIB Team te hi Pu James Lalrinchhana, Secretary, NLUP Implementing Board hovin an kal a.NIB Engineering Cell-a engineer te, I&PR aiawh leh IAS(probationer) pahnih Pu Naveen Agarwal leh Pi Ankita Agarwal te nen khaw hrang hrang ah NLUP dawngtu te kawm in an dinhmun te an enpui a ni.

An khaw tlawh ah hian NLUP Beneficiaries te nen inkawmna tha tak neih a ni a, tul inhrilhfiahnate an nei a ni. NLUP dawngtu te pawhin hetiang hun an nei thei chu lawmawm an ti hle. Infrastructure fund atanga link road laih, Ngopa leh NE Khawdungsei ami te, Ngopa a NLUP godown sak te an tlawh a . Kawng leh godown te hi mipui tan rohlu an nih avangin mahni ta anga duat taka enkawl turin an chah a ni.

Ngopa tlangdung ah hian serthlum leh bawng vulh an thlang uar hle a. Chiahpui khua chuan NLUP atanga serthlum an phun te chu a rah an seng tan tawh a.Kum 2014 atang khan serthlum truck trip engngemawzat an hralhchhuak tawh a ni.

Hliappui khua ah hian beneficiary pahnih, an khua in a mamawh avanga carpentry thlang te tihloh chuan an vaiin bawng vulh an thlang a. Tun dinhmun ah NLUP bawng 600 vel an nei a , an sum lakluh atanga concrete in sa mek te pawh an awm a ni.Ran tlatna hmun tur an ruahman fel hle a.Fur khawchhiat laia ran riahna hmun tur te, thal laia ran tui tlan tur ruahman na leh ran chaw tha chin dan tur chungchang te,bawng leh sial tlatna hmun, a khan remchang laia hung dan tur te NIB Team te hian an enpui a.NLUP dawngtu te hi an phur tlangin an trade hi dinchhuahpui nana hman ngei an tum hle a ni.

NIB Team hian khaw tin a NLUP dawngtu te chu an trade thlan tha taka chhunzawm chho zel tur in an fuih a. NLUP atanga tanpuina an dawn te chu an dinhmun siamthat na atana bul tanna anih thu leh hmathlir nei chunga an tu leh fate thleng pawh in an chhawr zel theih tura riru seng turin zirtirna an pe a ni.