No.489/2020-2021

State Nodal Officer, ATMA/Director of Agriculture (Research & Extension) hnena Complaint lut bawhzuiin Champhai District, Ngur Khua Changpui hmun a vaimim rannungin a ei chu ATMA(Agricultural Technology Management Agency) Champhai Staff ten nimin (20th April, 2020) a hmunah kal chilh in an enfiah.

Vaimim chi te hi March thla a tuh tawh an ni a, mahse to zui thei awm lovin rannungin loneitute a ei chhiat sak a ni. Pu C. Lalhriatpuia, Project Director, ATMA chuan tuh a nih hmain vaimim chi te chu rannungin a eichhiat loh nan uluk taka seed treatment tih a, damdawi nena chiah a pawimawh thu leh damdawi hman thiam a pawimawh tiin ATMA mithiam te pawh rawn theih reng an ni tih a hrilh.

Loneitu te tan Vaimim chi, Changkha, Bawrhsaia be leh damdawi mamawh te sem nghal a ni a. Loneitute pawhin a hmun ngeiah kal chilha an harsatnate an enpui chu lawmawm an tih thu an sawi.