1572/2023-2024

Kolasib, Dated the 18th August, 2023: Superintendent of Police, Kolasib chuan a hnuaia mi ang hian NH 6, RTP Firm Sethawn bul kawngpui siam chungchangah a hnuai a mi ang hian thuchhuah a siam.

National highway 6 hi kan state kawng pawimawh ber pakhat a ni a, RTP Farm bul Sethawn area a fur ruahtui avanga kawng chhe zual hi lirthei veivak tan harsatna a siam nasa hle a. He lai hmun thawm that hna hi awmze nei taka thawh tum anih avangin Dt.19.08.2023 (Inrinni) atanga thu leh awm hma chu NH 6, RTP Farm, Sethawn bul kawngpui hi nitin chawhma dar 11:00 AM atanga chawhnu dar 01:00 PM inkar chhung chu motor eng chi mah.tlan phal loh a khar thin a ni ang.

He kawngpui siamthat hna thawh dan hi lane (01) khat hi thawmthat hna thawh reng tur a ni a, lane lehlama motor hi veivak reng thei tura ruahman a ni. He darkar hnih (02) kawng khar a nih chhung hian Motor zawh lam lane-a lirthei lian rit tak tak ten kawng an dai chhiat avanga harsatna nasa zawk awm thei ven nana hemi lane thawm that hna hi thawh thin tur a ni ang.

Hetiang hian kawng siam that leh lirthei tlan tlang dan ruahhman a nih avangin helai a lirthei veivak reng reng te chu helai area-ah intlan thuah (over taking) lo tur leh Traffi Duty te thu ngaichang theuh turin kan inngen in kan in hriattir a ni.

He thupek zawm lo chu 177 MV Act hmanga hrem an ni ang. He thupek hian tul bik thila Police, Fire Dept.. Ambulance leh Magistrate-te chet velna a huam lo ang.

He thuchhuah chungchanga harsatna tawk emaw report neite chuan OC Kolasib PS (Ph. No. 9862786385) / IC Traffic Cell (Ph No. 9862306914) ah biak theih reng a ni.