1571/2023-2024

Aizawl, 18.08.2023: Aizawl District Deputy Commissioner Pi Nazuk Kumar hovin vawiin khan Ministry of Tourism bultum Swadesh Darshan 2.0 kalpui tura din District Management Committee chu DC pisa ah an thukhawm.

Swadesh Darshan 2.0 hnuaiah hian tourism hmasawnna atana tourism ruhrel changtlung tak din tur niin, Mizoramah chuan Aizawl district leh Champhai district thlan a ni a. Vawiin meeting-ah hian Aizawl district chhunga he hmalakna kalpuina tur hmun remchang hrang hrang chhawpchhuahte chu thlirhovin, sawrkar laipuiin ruahmanna a rawn siam leh bawhzui ngaite sawiho a ni.

He committee hnuaiah hian AMC, SP, DRDO, LESDE, Tourism, I&PR atangin leh Egis India Consulting Engineers Pvt. Ltd., Association of Tour Operators leh Mizoram Hotel Owners Association aiawhte member a ruat an ni. Swadesh Darshan thawhkhatnaah khan Mizoramah chuan Hmuifang Tourist Resort, Thenzawl Golf Course leh adangte lo kalpui tawh a ni.