2299/2026-2027

Saitual, the 22nd September, 2026: Vawiin khan DC Conference Room, Saitualah National Human Rights Commission (NHRC) Special Rapporteur Pu Sayeed Ahmed Baba hovin District sawrkar department hotute an thukhawm a, he thutkhawm hi District Bawrhsap Pu Srinivas Sadi chuan a kaihruai.

He hunah hian NHRC Special Rapporteur Pu Sayeed Ahmed Baba chuan thu sawiin, mihringin dikna chanvo kan neih ‘human rights’ te dik taka hman a nih theih nan National Human Rights Commission chu din a ni, a ti a, mitin ten kan dikna chanvo kan hriat a pawimawh a ni, a ti. Pu Sayeed Ahmed Baba chuan NHRC-in hmun hrang hrang an tlawh chhan chu an hmalakna tha tak takte an hriat duh vang a ni, a ti a, a hmun tlawh tawhte chuan a tihlawm thu a sawi bawk.

NHRC Special Rapporteur chuan ruihhlo avanga an harsatna tawh te chu pawi a tih thu a sawi a, thalai ruihhlo ngai te tan counselling-te dawnga, inenkawlna hmun tur “de-addiction centre” an mamawh thu a sawi. Mihring dikna chanvo zahsak kawngah department hotute an pawimawh hle a ni, a ti a, hei hian khawtlang nun a tihlan avangin kalkhawmte chu anmahni dawrtute an buaipuina kawngah tan la a, an dikna chanvote rah beh sak an nih loh nan theih tawp chhuah turin a chah a ni.

Vawiin inkhawm hi District Bawrhsap Pu Srinivas Sadi chuan kaihruaiin, Saiual District chungchang chu powerpoint presentation hmangin a sawifiah a, Pu Sayeed Ahmed Baba-in rawtna a thlente chu theih tawpa an bawhzui tur thu a sawi. He thutkhawmah hian line deparment hotute bakah Sub-Hqrs. YMA te an tel a ni.

Nimin khan Pu Sayeed Ahmed Baba hi Ngopaa PM Shri School Primary SchooI II, Anganwadi Centre I, EMRS School leh Hliappui Ginger Processing Unit-te a tlawh a, vawiin khan One Stop Centre, Saitual Police Station leh District Hospital-te tlawhin, hun a hman zawh hian Champhai lam a pan nghal a ni.