4689/2024-2025

Dated Aizawl: the 18th March 2025 : Vawiin khan DHME Auditorium, MINECO-ah Ni 3 chhunga neih tur Mizoram chhunga Sawrkar damdawiin endiktu turte tan training neih a ni a. He hun hi Dr. Lily Chhakchhuak, Mission Director, NHM  chuan a  hmanpui.

training tura kalkhawmte hmaah hian Dr. Lily Chhakchhuak, Mission Director chuan   training buatsaih a nih theih nana theihtawp chhuahtu State Health Team (MHSSP) te chungah lawmthu sawiin, tun dinhmunah Mizoram chuan kum 2014 atang khan Internal Assessor mi 142 leh External Assessor mi 26-te an train chhuah tawh thu a sawi a. Ministry lamin December 2026 hma a Damdawiin zawng zawng te 100% NQAS Certified tura a tih chu hlen ngei tum turin thawktu zawng zawngte chu chahin, endikna ngawr ngawr piah lamah Damdawiin tha nei tura taima taka thawk a, midangte ti phurtu ni turin trainer-te chu a fuih nghal bawk a ni.

Training hi Dr. R. Lalchhuanawma, State Nodal Officer, Quality Assurance, NHM chuan kaihruaiin, inhmelhriattirna leh Training neih chhante a sawifiah a. Dr. Ajay Arya, Consultant leh Dr. Ravikar Singh, Consultant,  Quality & Patient Safety te bakah Aizawl East, Aizawl West, Kolasib, Saitual leh Serchhip District chhunga District Hospital, SRHF, Community Health Centre, Primary Health Sentre, Urban Primary Health Centre leh MHSSP Doctor-te koh an ni a. Training ni hnuhnung berah hian trainees-te chuan Exam an nei nghal dawn a ni.