Ni hnih awh tur Central Ground Water Board, Ministry of Water Resources, River Development & Ganga Rejuvenation leh PHE Department, Mizoram buatsaih ‘Water Quality Issues and Ground Water Stress Areas’ tih thupui hmangin Durtlang Leitan YMA Hall-ah training vawiin atang khan neih a ni.Er Lalmuanzova, Engineer-in-Chief, PHE Department leh R. Lalruatkima, Hydrogeologist leh Central Ground Water Board, North Eastern Regional Director Dr. Utpal Gogoi leh Scientist 2-ten he training hawnna hi an hmanpui a ni.

Tui tangkai zia leh pawimawhna te hi mitin hriat nimahse sawi nawn fo ngai a niin humhalh tur leh hnianghnar zawka tuihna nei tur chuan kan chhehvel thing leh mau humhalh thlenga a in thlunzawm dan sawifiahin khuallian Er Lalmuanzova chuan Leihnuai atanga tui pump chhuah ani emaw tuikhur atanga chawi emaw pawh nise mihring te hrisel nan a thianghlim tur ani a ti a.PHE Department in tui hnianghnaar leh thianghlim tura kawng hrang hranga sulsutu niin hma an lo lak tawh dan leh lak mek dan te sawiin thawktu te thahnemngaihna ah lawmthu a sawi a. Mi te ber atanga mi lian ber thlenga mamawh tui leh thianghlimna lam enkawltu an nih anga rintlak leh rinawm in,a tul lovah mi harsatna thlentu nil ova theih anga tanpui tu zawk ni turin thawktu te a fuih nghal a ni.

Khual zahawm R. Lalruatkima, Hydrogeologist pawhin thu sawiin PHE Departmenta thawktu te thahnemngaihna leh inpumpekna leh tanrualna avanga ram leh hnam tan hlawhtlinna tam tak an lo neih te avanga lawmthu sawiin tawp mai thei an nih loh thu leh tan lak zel angaih thu a sawi bawk.

Central Ground Water Board, North Eastern Regional Director Dr. Utpal Gogoi leh Scientist 2-ten. training hi an rawn hmanpui a.Mi thiamte paper buatsaih zirho leh sawiho a niin tuikhur thenkhatah kal chilh in heng tui te hi enfiah nghal a ni.