Vawiin chawhma dar 10.00 am khan D.C Conference Room Siaha ah ni hnih chhung neih tur Training of Public Authorities/ SPIO / SAPIO / DAA leh Dealing Assistants ten ‘Right To Information Act, 2015’chungchang Training an nei.

He Training hi Pu Vanlalvena, Nodal Officer A.T.I Aizawl chuan a kaihruaia Pu R. Zarzosanga IAS, District Bawrhsap chuan khuallian niin a hmanpui. Thusawiin khuallian chuan Aizawl atanga hmun hla tak kan nih vangin Departmental Training neihpui tura A.T.I Department ten Siaha an rawn thlang chu lawmawm atih thu a sawia, Chief Information Commission pawhin Training duhthawh takin min rawn neihpui tawh ani tiin helai hmuna Resourse Persons kan neih te hmang tangkaia Training min rawn neihpui hi lawmawm a tih thu a sawi bawk.Good Governance atana tangkai tur R.T.I Act,2015 Training kan nei hi lawmawm atih thu leh langtlang sawrkar kan neih theih nana he Training hi buatsaih a nih thu a sawia, he mi thleng tur hian mipui te leh sawrkar kan thawh ho a pawimawh ani ati bawk. Training tha taka tel tur leh hmang tangkai turin kal khawmte chu asawm ani.

He Training ah hian Prof K. Zohra, Govt. Siaha College leh Pu. Thasia T. Azyu, Associate Professor Govt. Siaha College ten thupui then hrang hrang heng 1. Obligation of Public Authorities 2. Role of SPIOs/SAPIOs 3. Procedure for Requesting Information 4. Disposal of Information 5. Third Party Information Exemption for Disclosure 5. Powers and Function of Information Commission Appeals and Penalties tih te hmangin Thu an sawi ani. He Training ah hian Siaha khawpui chhunga Department hrang hrang hotute, Tlawmngai pawl hrang hrang hruaitute leh Chanchinbu mite an telkim hle ani.