Pu J.H. Rothuama, NLUP Implementing Board (NIB) Chairman leh NIB hotute chuan ni 16-18 December 2014 chhung khan Kolasib District NLUP hmalakna enin, District Lines Department te an kawm.

Pu Rothuama chuan NLUP Rubber Nursery, Soil Department in Vairengte a an siamna hmun a tlawha, hemi hmunah hian Rubber tiak chawmna tur tuikhuah NLUP in an siam thar chu enin, a tul turte ngaihtuah hona an nei a, Soil & Water Conservation Department hotuten an tawiawm.

MAHFED hovin Vairengte Auto Rickshaw Stand bula hmunphiah leikhawlna tur an ruahman ram an en bawk. Vairengte Tourist Lodge ah hmunphiah market awlsam dintur sawihona Kolasib Division Forest Deptartment hotute nen an nei bawk.

Kolasb Fisheries Department hotute nen Chemphai leh Serlui 'B' a hmalakna an enhova, Helai bialah hian Mizoram tana sangha khamkhawp engemaw chen tharchhuah theihna tur ruahmanna hmunte an tlawh a ni.

Kolasib leh Bilkhawthlir-a NLUP hmanga Market shet sak pawh Pu Rothuama te hian an tlawh bawk a ni. Remchang hmasa berah heng Market te hi hawn nise tih an rel.