Vawiin khan NLUP Implementing Board (NIB) Chairman, Pu JH Rothuama, MLA hovin NIB member ten Kuthnathawktute Ni, 14th January , 2017 hman dan tur an rel.

He meeting hi Pu PL Thanga, Vice Chairman, NIB in kaihruaiin, kum 2017 kuthnathawktute Ni chu kum danga tih dan loh deuhvin, Block level ah khaw hnih aia tlem lovah hman nise, NLUP hmala tha te thlan nise, lawmman siam nise an ti.

D.C tin ten an District chhunga BDO te ko khawmin, NIB atanga Guideline siam hrilhfiah nise, BDO ten lawmna inkhawm a tul an tihna hmun leh hman dan tur programme lo duang se tih an rel.

Aizawl bikah State Level Kuthnathawktute Ni hman nise, programme chu NIB hotuten lo duang se, hnathawktu tha thlang turin committee siam nise, lawmman chu Independence Day lawmna 15th August, 2017 ah hlan nise tih an rel bawk a ni.