Vawiin chawhnu dar 2 khan NLUP Implementing Board (NIB) leh Doordarshan Kendra (DDK) Aizawl te chuan MoU an ziak.

He MoU ziakah hian NLUP leh Developmental Department te hmalakna hrang hrang leh tul dangte DDK Aizawlah kartin darkar 1 Zirtawpni tinah tih chhuah a ni dawn a, hemi enkawl tur hian NLUP Media Cell, I&PR/NIB te ruat an ni.

Meeting hi Pu David L. Thangliana, Chief Media Officer, NLUP Media Cell, I & PR chuan kaihruaiin, he programmesiamanih dan te sawifiahna a nei.

Pu JH Rothuama, Chairman NIB chuan Chief Minister hmalakna leh a duhdan anga DDK leh Sorkar Programme neih theih anih dawn tak avangin lawmawm a tih thu a sawi a.

Pu P.L. Thanga, Vice Chairman, NIB chuan tun tum MoU sign chu lawmawn tiin DDK hmangin zau zawkah Mizo kuthnathawktute hmalakna leh department hrang hrang hnathawh tih lan a ni thei dawn ta a ni, a ti.

I & PR Director Pu Jim K. Chozah chuan, Chief Minister hmalakna zarah mawhphurhna pawimawh tak leh kan lo chak em em thin kan ti thei tur hi lawmawm tiin I &PR chuan NLUP Media Cell te hmangin nasa lehzualin kan tangho dawn a ni, a ti.

Pu Vanlaltlana, Prog. Executive, DDK pawhin tam zawka Mizoram sorkar nen thawhho zel a beisei thu a sawi.

MoU hi Pu James Lalrinchhana, Secretary NIB leh Pu Wonchan Ramsan, Head of Programme DDK, Aizawl ten an sign a, tun atanga reilote ah Mizoram sorkar News leh tul dangte, ‘Mizoram Today’ hmingin entheih thuai beisei a ni.