New Land Use Policy hnuaia Ngopa khua a trade hrang hrang beneficiary-te lungawilohna te ngaithla a, harsatna te sawipui turin tukin zing khan NIB Vice-Chairman leh State Planning Board Member Secretary ni bawk Pu PL Thanga chuan tukin zing khan hun a hmanpui. He hun Ngopa YMA Zawlbuk-a neih hi Ngopa BDO Pu Malsawmzuala chuan kaihruaiin, Champhai District-a NLUP Line Department official-ten an telpui a ni.

Pu PL Thanga chuan hmalakna thar hlak kawng zawh tura hmanhmawh mai lovin tuna kan thawh chinah hian insawhnghet a, hlawk zawka tharchhuah nei tura tan lak a pawimawh a ni, a ti a. Mirethei te tan eizawnna ngelnghat siam a hma lakpui tur chuan sorkarin a theih ang ang chu tih sak a huam thu leh, chhawmdawl ngai an la awm chhung chuan NLUP hi kalpui tum zel a nih thu NIB Vice-Chairman chuan a sawi a. Chutih rual chuan tanpuina dawng awm ngawih ngawihten changlo a, dawng tlaklo ten an khalh loh nan VMC te chuan dik leh rinawmna nena beneficiary thlan leh enthlak kawngah pawh tan la turin a chah a ni.

Vawiin hunah hian NLUP trade hrang hrang hnuaia beneficiary harsatna tawk ten an mamawhte leh zawhna an neih te chu NIB Vice-Chairman-ho hian Line Department Officer-ten an sawiho a. An harsatnate chingfel turin a hma thei ang bera hma lak sak tur thu an sawi bakah hriatfiahloh vanga harsatna awmte chu sawifiah a ni bawk.

Ngopa ah hian NLUP 1st Phase hnuaiah a vaiin beneficiary 217 awmin, 2nd Phase ah mi 224 an awm a. 3rd Phase ah mi 139 awmin 4th phase ah hming 54 thehluh a ni.